TaMaTeM BASHA
|  موضوع: من واقع خيالى العالى السبت ديسمبر 29, 2007 9:21 pm | |
|
هذا الموضوع من واقع خيالى العالى
فاذا كان هناك تشابه بين بعض الاحداث "الخياليه" وارض الواقع
فاعلم سيدى ان المشكله ليست فى خيالى العالى
وانما فى واقعنا المؤسف
فهذا الموضوع مجرد ملاحظه من ملاحيظ من مجموعة لواحظ بنلاحظها لو كنا فعلا عايزين نلاحظ
اللى احنا ملاحظناهوش من الملاحيظ اللى حوالينا
وهوا الانسان ايه غير شوية ملاحظات فوق بعضيها
مطولش عليكم
الموضوع عباره عن الردود الكربونيه اللى اتعودنا نسمعها فى النشرات والبيانات الحكومي
ه والمناسبات المختلفه... كلنا اتربينا عليها لدرجة اننا حفظناها
...والكارثه انهم مش ناويين يغيروها ..عايزنا نتشل
عايزين نحارب اسرئيل
يا جماعة الخير الوضع الاقليمى والاستراتيجى لا يحتمل حرب اقليميه
يمكن ان تجر المنطقه الى الهاويه ( على اساس اننا فى القمه ) ء
فخامة الرئيس الفلانى بيزور جلالة الملك العلانى
: لقد بحث الرئيسين القضايا ذات الاهتمام المشترك وقد اظهرت المباحثات مدى تطابق الرؤيه السياسيه للبلدين الشقيقين
( بس نفسى افهم ايه هيا ذات الاهتمام المشترك ديه....
. وبعدين ما المقصود بـ تطابق الرؤى!? تقريبا احلامهم لانهم مبيتفقوش غير فى احلامهم بس )ء
اسرائيل تقتحم غزه :
تشجب دولة كذا العدوان الاسرائيلى على غزه وتحذر من خطورة الوض
ع الذى يمكن ان ينفجر فى اى لحظه ( على اساس ان الوضع لسه منفجرش ) ء
فضائح ابو غريب
بما ان هذا يخص امريكا ستجد من سيصدر بيان الشجب مسؤول على مستوى ضعيف جدا علشان
لو امريكا زعلت يسحبوا منه الجنسيه وكانهم ميعرفهوش وغالبا ما سيكون فراش مكتب الوزي
ر هو من سيلقى البيان : نحن نشجب وندين الاحداث الاخيره فى سجن ابو غري
ب ونطالب بفتح تحقيق فورى وعاجل لمعاقبة المسؤلين ( لا جامد يا اخويا )ء
عمرو موسى بعد القمه العربيه
لقد قرر المجتمعون الاجتماع مره اخرى لوضع اّلية لكى تكون اجتماعات جامعة الدول العربيه
بصفه دوريه ( لو مكانك يا عمرو كان جالى الضغط )ء
الرئيس يحضر حفل تخرج دفعه من الكلييه الحربيه
لا تهاون ولا تسامح مع اى خطر يضر بأمن الوطن وسلامة اراضيه
(اه يا اخويا ما هو كله الا اللعب فى امن البلد وسمعنى اغنية خلى السلاح صاحى )ء
الرئيس يحضر حفل تخرج دفعه من كلية الشرطه
لا تهاون ولا تسامح مع الارهاب وكل من يعبث بأمن الوطن
وسنضرب بيد من حديد على الارهابيين والمتطرفين ( يا بخت بوش بيك والله )ء
القبض على احد معارضى السيد الرئيس :
لقد قامت اجهزة الامن بمداهمة منزل المعارض الوحش اللى بيعارض فخامة الرئيس
وبعد التحقيق معه بكل ذوق وادب واخلاق وجد انه مختل عقليا ( طبعا دا بالاضافه ال
ى انهم وجدوا عنده نزيف داخلى وكسر فى العمود الفقرى وارتجاج فى المخ ) ء
المصدر المشؤوم
صرح مصدر مسؤول ان الامن مستتب وكله اشطه
والتخ فى التربخ ( نفسى اعرف مين هوا المصدر المسؤل ده )ء
حسب التعليمات :
صرح وزير القوى العامله انه حسب توجيهات وتعليمات السيد رئيس الجمهوري
ه قد تقرر تعيين خمناشر تمناشر الف خريج( هوا نتوا مبتعرفوش تعملوا حاج
ه من نفسكوا ابدا لازم يكون هوا الرئيس الملهم فى كل حاجه ..... جاتكوا نيله مليتوا البلد ) ء
المبايعه
لقد بايع الشعب بكل طوائفه السيد الرئيس الزعيم فترة رئاسه عاشره
( طب احنا بايعناه بالحكم فماذا يبيع لنا فى المقابل : بيبعلنا الاونطه يا استاذ انته وهوا
...وسمعنى اغنية اخترناه وبايعناه وبقولها ورزقى على الله )ء
ManKoL WitH some EdiT
| |
|
den_heema
عدد الرسائل : 912
تاريخ التسجيل : 06/08/2007
 | | موضوع: رد: من واقع خيالى العالى الإثنين ديسمبر 31, 2007 7:52 am | |
| thanxxxxxxxxx tamatem
wonderfull topic | |
|
TaMaTeM BASHA
| | موضوع: رد: من واقع خيالى العالى الخميس يناير 03, 2008 1:23 am | |
| | |
|
lo2a
| | موضوع: رد: من واقع خيالى العالى السبت يناير 12, 2008 1:49 pm | |
| الف شكر علي التوبيك الجامد ده يا طماطم
| |
|
